“Улаан үхрийн нутаг" гэгддэг ӨМӨЗО-ы Тунляо хотын Хорчин Зүүн гаран хойд хошууны Их Тал амьд малын зах нь 3-р сарын 6-ны өдөр хүн малын хөл хөдөлгөөн ихтэй амьд мал зарах өдөр тохиож байлаа. Тус өдөр Ляонин,Гирин, Хэбэй, Шаньдүн, Гүйжүө зэрэг муж орон нутгаас амьд мал худалдан авахаар худалдаачид хүрч иржээ.

Намрын улиралд л мал зарж, орлоготой болдог байсан малчид маань одоо дөрвөн улиралаар мал зарах нөхцөл боломжтой болсноор гар нухлан гачигдахгүй болжээ. Өнөөдөр энд үхэр мал мөөрөлдөн хүн зон шуугилдаж, машин унаа түгжрээд хөл хөдөлгөөн ихтэй байлаа.

Их Тал амьд малын зах нь Тунляо хотын дөрвөн томоохон үхрийн захын нэг юм. Тэрээр 1700 малын хашаатай бөгөөд 20 мянган үхэр хашаалах боломжтой юм. Жилдээ энд тээвэрлэж ирэх малын тоо 600 мянган толгойд хүрч, жилийн гүйлгээний хэмжээ 5 тэрбум юаньд хүрдэг.

Тунляо хотын махны чиглэлийн үхрийн аж ахуй жилээс жилд хөгжин цэцэглэж, орон нутгийн эдийн засгийн хөгжлийг ахиулах чухал хүчин болж, нутгийн малчдын орлогоо нэмэгдүүлэх чухал арга замуудын нэг юм.

Амьд малын зах нь нутгийн малчдад худалдааны сайн тавцан болсноор зогсохгүй хөрш зэргэлдээ нутгийн махны чиглэлийн үхрийн үйлдвэрлэлийг хөгжүүлэхэд түлхэц болж байна.